الــــــعـــــــيـــــــــد

لا تتصل وتقول مبروك بالعيـد
. . . . . . . تعال عايد دام تسمـح ضروفـك
العيد ماهو تتصـل وانتـه بعيـد
. . . . . . . العيد والله يااريش العين شوفـك
ساعة تجي ومصافح الايد بالايـد
. . . . . . . وكفي على طول اللقا في كفوفـك
من لهفتي ويـاك ياسيـد الغيـد
. . . . . . . مو ناقص الا تضمني في كتوفك
مايجتمع في الحب خوف ومناقيـد
. . . . . . . ان عاش معك الحب بيموت خوفك
وانا ادري ان الحب في قلبك ايزيد
. . . . . . . باين من عيونك وكثرة كسوفـك
ومدامنا في العيد وصرنا مو اعيد
. . . . . . . ابتغزل يالغضي فـي وصوفـك
زودٍ على حلياك يافـارع الجيـد
. . . . . . . توقف جميع الناس حزة وقوفـك
تدري متى تجيب في ساري العيـد
. . . . . . . لا قلتلي عيدك مبارك واشوفـك