ليلة حب

ليلة حب

تأليف : احمد شفيق كامل

*******

ياللي عمرك ما خلفت ميعاد في عمرك

الليلة دى غبت ليه ؟ حيرنى أمرك

أخرك إيه عنى ؟

مستحيل الدنيا عنى تأخرك

بالأمل مستنى

سهران.. تجينى.. يا حياتى واسهرك

تعالي العمر كله نخلصه حب الليله دي

تعالى شوق العمر كله تعيشه م القلب الليله دي

ما تخليش أشواقنا لبكره

ما تخليش فرحتنا لبكره

كأن أول ليله للحب الليله دي

*****

يا حبيبى ونبض قلبى ونور حياته

يا ابتسام ليلى وخياله وذكرياته

هديت الدنيا هنا واتلهفت لك

كلها معايا هنا اتلفتت لك

الربيع.. الورد.. النبع اللي جاري

النسيم.. الحلم.. الليل اللي ساري

كلهم ويايا .. أهم مستنين

كلهم يا حياتى لك ..متشوقين

لحبايبك دول ولقلبي أنا

لليالى الشوق ونداها لنا

ما تعذبناش

ما تشوقناش

وتعالى نعيش فرحتنا هنا

تعالى.. حب العمر كله نخلصه حب الليلة دى

تعالى شوق العمر كله نعيشه م القلب.. الليله دي

ما تخليش أشواقنا ..لبكره

ما تخليش فرحتنا.. لبكره

كأن أول ليله للحب.. الليله دي

*****

حب في كل قلب اتجمعواأنا حبى أكتر

ويايا ويايا.. وانت بعيد ويايا

خيال وشوق بيزيد... ويايا

كل شىء حوالي.. بيفكرنى بيك

كل نور ف عيني.. فيه ضحكة عنيك

آدى الشموع اللى ابتسامتك نورت فوقها الدموع

وآدىالدموع اللي ابتسامتك نورت فوقها الشموع

آدى خطوتك. آدى همستك. آدي ضحكتك

تعالى للأحلام.. للحب.. للالهام

وقد ما يحلالنا نسهر.. وغيرنا ينام

تعالى شوق العمر كله ندوبه حب الليلة دي

تعالى حب العمر كله نخلصه حب الليلة دي

ما تخليش اشواقنا .. لبكره

ما تخليش فرحتنا .. لبكره

كأن اول ليله للحب.. الليله دي

تعالى .. العمر كله نخلصه حب .. الليلة دي

*****

ياللى فايت لى الليالى الحلوة.. والذكرى الجميلة

ياللى ويايا بحنانك تحيى.. أمالى العليلة

انت ويايا.. فى خيالى.. الليله دي.. وكل ليلة

فى المكان ده يا حبيبى

جينا.. وياما ضمتنا الليالى

فى المكان.. نفس المكان ده

ياما طرنا ف العلالى.. الليله دي

يا حياة روحى.. هنا ف نفس المكان

جيت أنا وشوقى.. وقلبى.. والحنان

جينا نستناك.. جينا نترجاك

جينا نفرش بالأمل.. سكة خطاك

ومهما غبت على.. حتجينى بعد شويه

آخد ايديك فى ايديه.. واحضن عينك بعنيه

ونعيشها ليله عمر.. بكل عمر الدنيا