(( لاصـــرت بايـعـنـي )) مـحــمـد الجــارالله

ا لسلام عليكم ورحمه الله وبركاته

قصيده رائعه من قصائد الشاعر محمد جارالله السهلي......



لا صرت بايعني .. اشوفك علـى خيـر

مع السلامه .. دام مـا بـه سلامـه !!

قلت : انتهينا؟ قلت لك : خير يا طيـر !

ماني بـاول شخـص يخسـر غرامـه

محـذرك مـن قبلهـا الـف تحـذيـر

لا عفتنـي بيعيـف قلبـي هيـامـه ؟؟

مانيـب ميّـت لا ولا احتـاج تبـريـر

صـح الله لسانـك .. ووفـر كـلامـه

بسمعك .. حبكه .. وفكره .. وتصويـر

وافهـم عـدل يـا مدعـي بالفهـامـه

ماضيك ( الاسود ) بذكره دون تقصيـر

كذا يكون بخد هالشعر .. ( شامـه !! )

يصدق معي تعبيـر .. ويخـون تعبيـر

ا ضيعة الشاعر .. بوقـت انسجامـه !

يمكن خطـا ادونـك بالشعـر ؟! ميـر

لو ما احترمتـك ؟ للغـرام احترامـه !!

ما كان حبك غير بـس طعنتـك غيـر

علمتنـي معـنـى الـنـدم والنـدامـه


مـا جـاك منـي اي زلـه وتقصـيـر

كل ما خطيـت اعاتبـك .. بابتسامـه ؟

حسبي على الذكرى اذا هبـت عصيـر

مـا عـاد تنفـع شرهتـي والمـلامـه

لبال ( ضامي ) وقتها والحزن ( بيـر )

( خسرتك ) وهمي ( كسبت ) اهتمامه !!

والليل فازع لـك كـذا !! جانـي مغيـر

ظلمتنـي واكـثـر ظلمـنـي ظـلامـه

لا اقبل علي اوحييت صـوت المساييـر

وفزيـت كـل ضيـف ٍ اقـوم بمقامـه

وليا عزم هالليل ( ضيقـه وتفكيـر ! )

قلّـي بربـك كيـف بقـدر انـامـه ؟؟

ما فيه داعـي للعتـب والمعاذيرالغـدر

( خال ) الجرح واطيّـب ( عمامـه ) !!

ما يجيب الله مطـر .. تالـي وخيـر ؟


ولا السلامه مااااش مامـن سلامـه !!