إلى اليتيم

دصبرىإسماعيل · الاحد ابريل 06, 2008 10:10 pm

إلى اليتيم
أشعار الدكتور/ صبرى إسماعيل
ودّع سنين اليُتم وأهتف بالأمل
وأملا حياتك بالكفاح حُب وعمل
وإنسي الآهات وأنسى اللى فات
وأنسى آلام الذكريات
تَبّت فى ذكرى طيبة
دا الناس حياتها مقلّبة
ياما ناس معاهم أهلهم على كترهم
عايشين فى قمة ذلّهم
ليهم كتير لكن كأنه ما لِهم
عمر ما كان اليتم عيب ولا شئ غريب
أعظم يتيم سيدنا النبى أغلى حبيب
كان الأمين ونشر بنور الحق دين
لأهل طيبة الطيبة ولمكة والناس أجمعين
قوم وسيبك م الضباب وأجتهد وأفتح كتاب
عيش فى دنيا دنيا ليها ألف باب
ما حد فيها هيسألك دا الخلق دايرة فى فلك
وأحلم تكون زيّى طبيب
أوجامعى أو حتى ع الجبهة نقيب
أو محترف زى حســــام
او غاوى فن وهات وسام
يمكن مذيع أو صحفى أو ناقد بديع
أو حرفى تتقن صنعتك
خلّى كفاحـــــــك دنيتك
وأبنى من اليوم أسرتك
وتعيش سعيد مولود جديد
نحلم ببكرة كلنا وفرحة واحدة تلمّنا
ولمّا تزعل برضه فضفض
لأى واحد مننّا
لأننّا
أحنا جميعاً مؤمنين
ولرب واحد مخلصين
جينا جميعاً من تراب
وإليه نعودُ سالمين
د/صبرى إسماعيل