ولاد الأباعد للطبيب الشاعر صبرى اسماعيل

دصبرىإسماعيل · السبت فبراير 09, 2008 3:33 am

ولادالأبـــاعد بقلم د/صبرى إسماعيل
مساكين ولاد الأباعـــــــــــــد اللى جابوا مجاميع
سهروا الليالى الطويلة وأتقطّــــــــــــــعوا تقطيع
مابين دروس الخصوصى أوشاشة فيها مـــــذيع

شلنا الورق وجــــــــــرينا من بدرى ع التنســيق
والكل كان منهــمــــك فى القـص والتلصـــــــــيق
فالطــب كان الهدف وأحلا منا ساعة الضـــــــــيق

ســــبع سنين بهــــــــدلة شــــــــفوى وتحـريرى
فاكـــــــــــرين طريق الغنى فلا وظيفة م الـميرى
والخمـــــــسة عين آه يا عينى كات هى تـبريرى

ولماخــــــــــــــــــدنا الشهادة قلنا خـلاص نرتاح
نرحـــــــــــــــم شقى أهلنا طول عمرنا الـلى راح
والقــــــرش يجرى فى إيديه وأبقى طبيب جـراح

البالطـــــــــــو الأبيض لبسنا ووقفنا فى إستقـبال
فاكــــــــــــــــرين حياتنا صفت وأتبدلت الأحـوال
مــــــــــــدّينا إيدنا فى جيوبنا ما لقينا حــتى ريال

يومـــــاتى نجرى على التوقـــــــــــيع حدا نوسـو
عــــلى مرعى وعمو البيه هـــــــنبوســــــــــــه
حـــــــــــــــتى البلاط أشتكى من كتر ماندوســــــه

وإن غـــــبنا بيشطـــــــــبوا نقبضها كام ملهـوف
ناس تانية من غير تعب يأخذوا فى صفقة ألــوف
لما المــــــــــــــــيزان يتعوج بكرة كتير هنشوف

وفى يوم خــــــــــيبتنا التقيلة رحنا حدا الصراف
علشـــــــان نجيب الماهية ونعيش عزاز أشـراف
لقيناها ما بتســــــــــقى ميه ولا شبشبين نضاف

رغم النشــــــــــــــــاط الكبير طول النهار والليل
شــــــــــــايلين هموم البشر فى الأبرة والتحاليل
ماهــــــــمنا نفســـــــــــــنا والفايدة يشفى عليل

وقالوا لى لازم تســـــــجيل يا إمّا نطـــردك للريف
ف رحت قوام على أستاذ خـــــــــــفيف وظـــريف
طلب منى لبن عصفور وتوهنى فى عز الصــــيف

ودوّرنا ودورنا كــــــــــــــــــــــــتير على عـــيادة
لازمها فـــــــــــــــلوس وأنا المنحوس يا ســـــادة
فكان لازم نروح الفــتح والخــــــــــــياط وزيـــادة

البعــــــــــــــــض عــنده عيادة فعلا ودخله كــــبير
والبعـــــــــــــــض عنده عييده لكن بدون توفــــير
تجـــــــــــــــرى وراه الضرائب وكل يوم فــــواتير
والباقـــــــــــــى ريّح دماغه وراضى يبقى فـــقــير

وراح العـــــــــــــمر ولاح الشــيب فى كــل الراس
ما عـــــــــــندى بيت ولا عـروسه وكـــييف أتباس
ما ضاع العمر يا ولدى وضـاع الحس والأحـساس

لو أعرف أيه هيجرالى لكنت عملت فى السيراميك
فلوســـــــى كـــــــتير ومتشــــــــييك وماشى شيك
وأجــــــمل بنت تتمنى أكـــــــون ليها وبس شريك

بدال الغـــــــــــــربة وســـــــــــط الناس والترحال
قلـــــــــوب قاســـــــــية تهـــــين فينا وناس جهّال
وجــــبنا فـــلوس وربى عالـــــــــــــــــــم الاحوال

ياناس العــــــــــــدل والرحـــــــــــــمة د أنا دكتور
مطــــــــــــــــــــــالبينّى أكون كيّس ولا أشهد زور
طـــــــــب إدّونى مــــــــرتب زين وأعيش مستور

قـــــــــــــــــــوم ألحقنا يا راعى الصحة والسكان
وزود لينا مصـــــــــــــــــــــروفنا نعيش فى أمان
ونحـــيى زى كل الناس د أنا أنســـــــــــــــــــــان
د/صبرى إسماعيل
الموقع geocities.com/tabeby