مره اتنين مساطيل واحد قال للاخر مش فيتنام فازت على امريكا فى الحرب واحنا فزنا على اسرائيل .... المسطول الثانى قال له : يبقى كده احنا المفروض نصفى مع فيتنام
صرصار خارج من السوبر ماركت فرحان عشان شاف صورته على علبة ريد
واحد كمسري بيقول لابنه تذاااااااكـــــــــــــــــــــــر ............. تنجح
واحدة عندها قطة كل ما تيجي تتخلص منها ... القطة ترجع تاني.... فبعتت ابنها يتخلص منها و يرميها بعيد عن البيت عشان ما ترجعش ... راح واخد القطة وقعد يلف يلف لحد م تاه عن البيت ورجع متأخر .....فسألتة والدتة اتأخرت لية؟؟ قال لها انا تهت ......قالت له طب رجعت ازاي؟؟؟ قال لها مشيت ورا القطة
واحد غبى اشترى جزمة رياضة اديداس .. لقاها 3 شرط ..... راح حاططها فى الشاحن
ليه البرازيليين ما بيكلوش تين ؟؟؟؟؟؟؟؟؟؟؟؟؟؟ عشان البرازيل من امريكا (اللاتينيه)
عضو مجلس شعب اشترى تكيف لقى مالهوش صوت راح رجعه تانى
واحد كان عازم صاحبه على الغداء ... فصاحبه لقاه كل ما يطلب من مراته حاجه يقول لها يا روحى هاتى البطاطس ، يا عيونى شوية ملح ، فاستغرب الضيف قوى ، و سأله ما شاء الله 12 سنة متجوزين و مش بتنده لها غير يا قلبى يا حياتى ....فرد الزوج أصلى ناسى اسمها
واحده راحت كشك تتكلم فى التليفون ، بقالها ساعه بتحاول تتكلم فسالت صاحب الكشك ... لما التليفون يدينى : توت توت ...يبقى ايه ده؟ رد عليها وقال يبقى فى قطر معدى من قدام التليفون
مرة واحد مسطول لبس جزمة فردة حمرا و فردة بيضا فحط رجل على رجل شافو مسطول صاحبه و قال اول مرة اشوف واحد حاطت رجله علىرجل الي جانبه
واحد دخل صيدلية وقال للصيدلي إديني حقنة من اللي بتاخدها مراتي.... الصيدلي قال له إسمها إيه؟ قال له مديحة
اتنين صحاب أغبية ... الاول بيسأل التانى : هو ابوك متنّك علينا كده ليه ؟ التانى : ليه بس حصل ايه ؟ الاول : من ساعة ما مات مبقاش يعدى يسلّم زى الاول
مرة واحد انجليزى و واحد فرنساوى و واحد صينى راحو يجربو صدى الصوت الانجليزى قال هاللو فرد عليه صدى الصوت و قال هالوووو هالوووو الفرنساوى قال بنجور رد عليه صدى الصوت و قال بنجوووور بنجوووور
الصينى قال شونجا كونجا هونجاهى فرد عليه صدى الصوت و قال بتقول ايه ايه ايه
ليه الكتكوت مبيكدبش على الفرخه؟؟ علشان هيه الي فقساه
مرة واحد حب يطور الطيارة الهليكوبتر ركب بدل المروحة تكييف
واحد قال لابنه روح شو ف النتيجة ولو نجحت هذبح لك خروف... لما رجع قاله عملت ايه يا ابنى قاله مفيش بس الخروف اتكتبله عمر جديد.....
جذماجى مات بالجذمة القلبية عملوا له نعل فى الجرنال جم يعملوا له الاربعين لاقوه ضيق عملوا واحد و اربعين
زوجة ماشية فى عزاء جوزها وعمالة تصوت وتقول يا حبيبى يا جوزى .....واتنين رجاله ماشيين شايفنها، واحد بيقول للتانى ياسلام شايف الست دى بتحب جوزها قد ايه!! قاله ياراجل انت بتصدق الحاجات دى ، طب استنى هاوريك وراح ورا الست وقال.....ياجميل يا عسل أخ لو تقولى ساكن فين أتجوزك بعد الأربعين على طول ؟؟ ..الست ردت : يا حبيبى ياجوزى يالى مسكنى فى مساكن الروضة عمارة 37 تانى شقة على اليمين
محشش .... سألوه ايه اصعب حاجة في الدنيا ؟؟ قالهم : اني أحدد السكسوكة وانا بآكل لبانة
ازاي نعرف الارنب من الارنبة؟ لو جرى يبقى ارنب... لو جريت تبقى ارنبة
غبىراح عمل سشوار عند الحلاق وقال عندي فرح بعد اسبوع وعايز شعري يفضل حلو كده الحلاق قاله بس ابعد عن الميه -- رجع بعد 3 ايام بيقول للحلاق ...... عطشـــاااااااان.
فى المتحف المصرى سأل الولد أبوه ,تمثال مين ده يابابا؟ ,رد الاب : مش عارف يابنى ...... طب صورة مين دى يابابا؟ , مش عارف يابنى ..... طب مين اللى محنطينه هناك ده يا بابا ؟؟ , مش عارف يابنى ..... شوية و أم الولد قالتله: ياواد بس بقى كفاية اسئله تعبت أبوك ........, رد أبوه : ياوليه خلى الواد يسال علشان يتعلم
واحد جاله جواب ومكتوب في اخره ..... صندوق البريد ص.ب 44 ....... الراجل مفهمش يعني إيه ؟ سأل واحد تاني قال له ....يأخي بيقولك عايز صندل بني مقاس 44
